• الخميس 13 ديسمبر 2018
  • بتوقيت مصر04:39 ص
بحث متقدم

"دياب" يهاجم إسلام البحيري بسبب معز مسعود وشيري

الصفحة الأخيرة

معز وشيري
معز وشيري

محمد الخرو

رفض السيناريست والمخرج محمد دياب، جميع الانتقادات التي تم توجيهها إلى الداعية الإسلامي معز مسعود بسبب زواجه من الفنانة شيري عادل، ووجه جميع انتقاداته للباحث الإسلامي إسلام بحيري بسبب هجومه على "مسعود".

وأعاد محمد دياب نشر تدوينة إسلام البحيري عبر صفحته حسابه الشخصي علي موقع التواصل الاجتماعي "فيس بوك"، وكتب عليه:" بما إني تم التحفيل عليا قبل كده فعارف إن الرد على الكلام اللي بيتقال وقت الموجه عبث.

ورغم كده، بما إني شاهد علي كلام معز عن "خطوات الشيطان" بما إني من مؤلفيه فكلامه صحيح ودقيق، "خطوات الشيطان" كان البرنامج الدرامي الوحيد اللي اتكلم عن إرهاصات الإرهاب سنة 2013 و2014 وكلمة الدرامي تعني اللي كان على شكل مسلسل.

واستكمل:" المسلسل اللي نزل 20 يوليو 2013 خدت قبلها 7 شهور ما بين كتابه وإخراج وده يعني أن الأفكار المطروحة مقرره من أكتر من 7 شهور مش زي ما الأستاذ إسلام فاهم إنه مشي مع الموجه بعد 30/6".

وتابع:" البرنامج عرض بعد 30/6 بأيام، والدنيا كانت مولعة وفضلت مولعة سنين ورغم كده عملنا موسم تاني أكتر جرأه وطبعاً بسببه كان بيجي تهديدات وأنا شاهد علي أن معز ساب مصر بسبب التهديدات دي".

وأضاف: "واضح طبعا أن الأستاذ إسلام غيران إن فيه حد تجرأ ودخل ولو من بعيد وقال إنه تضرر بسبب أحداث البلد غيره، ومسمي الكلمتين دول بتوع معز سطو علي بطولات الشعب المصري اللي هي بطولاته يعني، وعلي فكرة الأستاذ إسلام وقتها فعلاً كان شجاع ودي حاجة تحسبله، ولكن المفروض إنك باحث وبتحلل التراث وتيجي بوضوح تلوي دراع كلمتين واضحين وتحللهم علي هواك، ده يخليك يا متعمد تغالط يا مبتعرفش تحلل وتستخلص من الكلام الواضح مع إنها المفروض شغلتك.. مش عارف مين فيهم أوحش؟".

واختتم كلامه: "حقك تنتقد اللي عاوزه في آراء وتصرفات معز أو غيره بس من غير تدليس للحقائق وعامة أوعدك لما هتجيلك وقعه وتلاقي موجه التشييل عليك مش هتلاقي من واحد زي معز غير الإنصاف وحسن الظن لأنه إنسان محترم ومن أحسن الناس اللي عرفتهم في حياتي".

يذكر أن الداعية معز مسعود تعرض لموجه من الانتقادات عقب إعلان زواجه من الفنانة شيري عادل الأسبوع الماضي.

شاهد..




تقييم الموضوع:

استطلاع رأي

كيف تنظر إلى ملابس الفنانات خلال المهرجانات الفنية؟

  • فجر

    05:21 ص
  • فجر

    05:21

  • شروق

    06:50

  • ظهر

    11:54

  • عصر

    14:40

  • مغرب

    16:58

  • عشاء

    18:28

من الى